Proget „Nat per leger“

Pels genituors dals uffants da las annadas 2019 – 2023 da Lavin, Susch, Zernez e Brail 

Chars genituors

Acca, bacca, giatta naira,

a chi chi tocca laina vaira,….

Ha El/Ella uossa forsa algordanzas da l’aigna infanzia? Vegnan adimmaint mumaints allegraivels i’l ravuogl da la famiglia? Cugnuoscha El/Ella amo oters versins?

La biblioteca da Zernez invida cordialmaing ad El/Ella ed a Seis uffant(s) da las annadas 2019 - 2023 tanter las 09:30 fin las 10:15 in ün venderdi mincha 2. mais per ün inscunter divertaivel.

Là s’haja la pussibiltà d’imprender ün versin da maniera ludica, da dar ün cuc aint illa bella collecziun dals cudeschs da purtrets da nossa biblioteca e da far üna baderlada cun oters genituors.

Eu m’allegr da vossa visita!

Biblioteca Zernez

Per annunzchas ed ulteriuras infuormaziuns stun eu gugent a disposiziun:

Beatrice Müller Triebs    081/852 10 29      079/690 90 48

Ruzön 192, 7530 Zernez     muellertriebs@bluewin.ch           

  CURA:   venderdi, als 12.1.2024  da las 09:30 fin las 10:15

       venderdi, als 15.3.2024

       venderdi, als 24.5.2024

  INGIO:   Biblioteca publica Zernez, Chasa Palazzo, Via Suot 67

  CUOSTS: la visita es gratuita.